வழிபாட்டுத் தலங்களில், கடைப்பிடிக்க வேண்டிய வழிகாட்டு நெறிமுறைகள்

தமிழகத்தில் கொரோனா அச்சுறுத்தல் காரணமாக, கடந்த 4 மாதங்களுக்கு மேலாக அனைத்து வழிபாட்டுத் தலங்களும் பூட்டப்பட்டு, பக்தர்கள் வழிபடத் தடை விதிக்கப்பட்டிருந்தது.

இந்நிலையில், பல்வேறு நிபந்தனைகளுடன் நாளை முதல் கோயிலில் பக்தர்கள் வழிபட தமிழக அரசு அனுமதி வழங்கியுள்ளது.

இந்நிலையில், தமிழகம் முழுவதும் நாளை வழிபாட்டுத் தலங்கள் திறக்கப்பட உள்ள நிலையில் வழிபாட்டுத் தலங்களில் கடைப்பிடிக்க வேண்டிய

’வழிகாட்டு நெறிமுறைகளை’ தமிழக அரசு இன்று வெளியிட்டுள்ளது.

அதன் விவரம் வருமாறு :

* தடை செய்யப்பட்ட பகுதியில் இருந்து வருபவர்களை அனுமதிக்கக் கூடாது.

* முகக் கவசம், சமூக இடைவெளியைக் கடைப்பிடிக்காதவர்களுக்கு அனுமதி இல்லை என்பதை அறிவிப்பு செய்ய வேண்டும்.

* 65 வயதுக்கு மேற்பட்டோர், 10 வயதுக்கு உட்பட்டோர் வழிபாட்டுத் தலங்களுக்கு வருவதைத் தவிர்க்க அறிவுறுத்த வேண்டும்.

* நுழைவாயிலில் கிருமி நாசினி வழங்கும் வகையில், ஏற்பாடு செய்ய வேண்டும்.